Policia e Krujës ka arrestuar një 45-vjeçar për thyerjen e masave anti-COVID.
Policia thotë se është vënë në pranga shtetasi me inicialet K. L, pasi ka organizuar në mënyrë të përsëritur muzikë live në lokalin e tij pas orarit të përcaktuar për mbylljen e këtij aktiviteti.
Ai është gjobitur 2 herë më parë për këto lloje organizimesh në kundërshtim me masat anti-COVID atë vendosura për ndalimin e përhapjes së koronavirusit në vend.
“Strukturat e Policisë Krujë, krahas përmbushjes së detyrave funksionale për parandalimin evidentimin dhe goditjen e paligjshmërisë, kanë vijuar kontrollet në terren për të monitoruar zbatimin e masave për parandalimin e përhapjes së COVID-19. Gjatë kontrolleve kanë konstatuar në Fushë Krujë, subjektin në pronësi të shtetasit K.(B).L., i cili kishte organizuar muzikë live në mënyrë të përsëritur, pas orarit të caktuar për mbyllje, në kundërshtim me Aktin Normativ”, thuhet në njoftimin e policisë.
Policia gjithashtu njofton se K. L., banues në Milot është dënuar më parë për “vrasje me dashje” e mbetur në tentativë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
