Nimet Musai është kandidati i Lëvizjes Socialiste për Integrim për qarkun e Fierit që ka pranuar marrjen e mandatit të deputetit. Sipas burimeve pranë Komisionit Qendror të Zgjedhjeve mësohet se Musai ka dorëzuar formularin e Dekriminalizimit, pas thirrjes së institucioni bëri në adresë të kandidatëve të listës shumemërore.
Kandidati i LSI-së është i renditur i katërti në listën e qarkut e Fierit. Më herët ai ka qenë edhe kryetar i grupit të këshilltarëve të LSI-së në bashkinë e Fierit. Musai, vjen si përfaqësues i komunitetit çam, pasi edhe më parë ai ka qenë përfaqësues PDIU apo i Lëvizjes Çame.
Pas refuzimit për marrjen e mandatit nga ana e Erisa Xhixhos, si dhe të disa kandidatëve të tjerë të LSI-së dhe të PD-së, KQZ-ja iu drejtua kandidatëve të tjerë që janë në listën e fituesve, sipas rendit kronologjik.
Afati i paraqitjes së formularit të Dekriminalizimit pranë KQZ ka kandidatët është 10 ditor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
