Gazeta Si – Kolegji i Posaçëm i Apelimit ka lënë në detyrë Irena Gjokën, Kryetaren e Gjykatës së Posaçme të Shkallës së Parë.
Vendimi u dha paraditen e kësaj të marte nga trupi gjykues i përbërë nga Sokol Çomo, (kryesues) Natasha Mulaj (relatore) Albana Shtylla, Rezarta Schuetz e Mimoza Tasi.
“Kolegji e gjen të drejtë vendimin e KPK që konfirmon në detyrë subjektin e rivlerësimit Irena Gjoka e për pasojë duhet të jetë në fuqi” lexoi vendimin kryesuesi i trupit gjykues Sokol Çomo.
Kolegji tha se gjyqtarja ka arritur në nivel të besueshëm të pasurisë, në nivel të besueshëm kontrollit të figurës dhe profesionalitetit.
Gjoka u konfirmua nga Komisioni i Pavarur i Kualifikimit, KPK, në shkurt të vitit 2020.
Por, Komisioneri Publik në atë kohë, Dariel Sina, i cili më vonë u zëvendësua nga Komisionerja Irena Nino, kërkuan shkarkimin e gjyqtares Gjoka.
Në shpalljen e vendimit ishte e pranishme Komisionerja publike, Irena Nino dhe vetë gjyqtarja.
Ndërsa seanca e shpalljes së vendimit u monitorua nga ONM-ja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
