.png)
Dy nën linja të reja të variantit të Omicron mund të shmangin mjaft mirë antitrupat nga infeksioni i mëparshëm. Duke shtuar kështu rrezikun për një valë të re.
Por sipas shkencëtarëve nuk ndodh e njëjta gjë për njerëzit e vaksinuar.
Shkencëtarët nga shumë institucione po ekzaminonin nën linjat BA.4 dhe BA.5 të variantit Omicron.
Organizata Botërore e Shëndetësisë i shtoi muajin e kaluar ato në listën e saj të monitorimit.
Ata morën mostra gjaku nga 39 pjesëmarrës të infektuar më parë nga Omicron kur u shfaq për herë të parë në fund të vitit të kaluar.
Pesëmbëdhjetë u vaksinuan, tetë me vaksinën nga Pfizer dhe shtatë me J&J’s, ndërsa 24 të tjerët nuk u vaksinuan.
“Grupi i vaksinuar tregoi një kapacitet neutralizimi 5-fish më të lartë dhe duhet të mbrohet më mirë,” tha studimi.
Në mostrat e pavaksinuara, pati një rënie pothuajse tetëfish në prodhimin e antitrupave kur prekeshin nga nën linjat BA.4 dhe BA.5, krahasuar me BA.1. Gjaku nga personat e vaksinuar tregoi një rënie të trefishtë.
“Bazuar në shmangien e neutralizimit, BA.4 dhe BA.5 kanë potencial për të rezultuar në një valë të re infeksioni”, tha studimi.
Burimi:Reuters/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje