.png)
Oksidi i azotit do të jetë i paligjshëm nga muaji i ardhshëm në Britaninë e Madhe. Ligji i ri vjen pasi ministrat u zotuan të ndërmarrin veprime për përdorimin e drogës në komunitete, të cilat shkaktuan sjellje antisociale dhe probleme mes të rinjve.
Substanca, e njohur si gazi që shkakton të qeshura do të bëhet një drogë e kontrolluar i klasës C sipas Aktit të Keqpërdorimit të Drogave (1971) nga 8 Nëntori. Përdoruesit mund të përballet deri në dy vite burg, ndërsa dënimi maksimal për tregtarët është dyfishuar në 14 vjet, ka konfirmuar Home Office sipas Sky News.
Oksidi i azotit është droga e dytë më e përdorur nga 16 deri në 24 vjeç në Angli pas kanabisit, mes shqetësimeve në rritje për problemet shëndetësore të shkaktuara nga përdorimi i tij.
Një hetim i Sky News zbuloi se si marrja e oksidit të azotit nga dyqanet ishte “aq e lehtë sa blerja e një buke”, ndërsa një përdorues, në moshën 20-vjeçare, tregoi se si varësia nga oksidi i azotit i krijoi probleme shëndetësore.
Ministri i Krimit dhe Policisë, Chris Philp tha se përdoruesit dhe shitësit do të “përballen me forcën e plotë të ligjit”.
“Tolerancë zero ndaj sjelljeve antisociale dhe marrjes flagrante të drogës në hapësirat tona publike. Abuzimi i oksidit të azotit është i rrezikshëm edhe për shëndetin e njerëzve dhe sot, ne po u dërgojmë një sinjal të qartë të rinjve se ka pasoja për keqpërdorimin e drogës”, tha ai.
“Ka më shumë se 600,000 përdorues të oksidit të azotit në Mbretërinë e Bashkuar dhe shumica e njerëzve e përdorin atë disa herë në vit”, tha për Sky News Harry Summall, profesor në Universitetin John Moores në Liverpool.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
