.png)
Gazeta Si – Stuhia tropikale Ofelia goditi Bregun e Atlantikut duke shkaktuar rrebeshe shiu dhe erëra të forta ne disa rajone, që çuan në përmbytje dhe ndërprerje të energjisë.
Pothuajse 8 milionë njerëz përgjatë brigjeve të Atlantikut, nga Nju Njorku në Karolinën e Jugut u paralajmëruan për stuhi tropikale dhe përmbytje, deri në mesditë, të shtunën, njoftoi Shërbimi Kombëtar i Motit.
Stuhia nisi në qytetin Emerald Isle në Karolinën e Verut rreth orës 6.15 të mëngjesit duke shkaktuar rrebeshe të mëdha shiu dhe erëra të forta.
Në disa zona erërat lëvizën me një shpejtësi prej 80 kilometër në orë që e ndërthurur me reshjet e shiut shkaktoi stuhi në disa zona të Karolinës së Veriut, njoftuan shërbimet.
Një nga komunitetet me të goditura ishte Uashingtoni, Karolina e Veriut ku, në videot e publikuara në mediat sociale, dukej uji që përmbytte shtëpi dhe në disa raste edhe mbulonte automjetet.
Deri në mesditë, më shumë se 65 mijë banesa dhe biznese në Karolinën e Veriut, Virxhinia, Pensilvani dhe Nju Xhersi ishin pa energji elektrike, njoftuan autoritetet./ VOA/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
