Organizata për Bashkëpunim Ekonomik dhe Zhvillim (OECD) parashikon që Ekonomia shqiptare të kalojë në recesion gjatë 2020-s si pasojë e krizës së shkaktuar nga koronavirusi.
Ajo parashikon që Ekonomia e vendit të tkurret me 5 %. Në raportin më të fundit për efektet e pandemisë, OECD thotë se kriza pritet të prodhojë një recesion të dukshëm të ekonomisë, e cila mbështetet në tregtinë dhe investimet nga BE, veçanërisht Italia. Brenda tregut të brendshëm, NVM-të, sektorët e prodhimit dhe turizmi do të jenë ndër më të prekurit. Papunësia mund të rritet përsëri dhe kushtet e tregut të punës mund të përkeqësohen më tej duke pasur parasysh që një pjesë e dukshme e fuqisë punëtore jeton jashtë vendit në emigracion (rreth 30% e popullsisë).
Në vjeshtë 2019, OECD do të parashikonte se PBB për vitin 2020 në Shqipëri do të ishte 3.4%.
Treguesit afatshkurtër të ndikimit ekonomik
Rritja e PBB-së reale pritet të bjerë me 5% në vitin 2020 nga rritja e vlerësuar prej 2.2% në 2019.
Të dhënat zyrtare tregojnë se faza e parë e bllokimit do ti kushtojë ekonomisë 16 milion EUR në të ardhura tatimore. Kryeministri do të njoftonte se humbjet në të ardhura do të arrijnë në më shumë se gjysmë miliardë euro. Sektorët më të prekur do të jenë turizmi, transporti dhe tregtia. 50 000 vende pune tashmë janë humbur për shkak të krizës.
Pritet që shpërthimi COVID-19 të nxisë një recesion të ekonomisë, e cila mbështetet në tregtinë me dhe investimet nga BE (p.sh. pothuajse 50% e eksporteve drejtohen në Itali)
Me NVM-të e tregut të brendshëm, prodhimi (6% e PBB-së 2017) dhe sektorët e turizmit (8.5% e PBB-së 2018) do të jenë ndër më të prekurit.
Shkalla e papunësisë (12.3% në 2018) mund të rritet përsëri dhe kushtet e tregut të punës mund të përkeqësohen, duke pasur parasysh që një pjesë e dukshme e fuqisë punëtore jeton jashtë vendit (rreth 30% e popullsisë).
Obligacionet qeveritare janë rritur me rreth 25% midis 1 Janarit dhe 31 Marsit, duke sinjalizuar një përkeqësim të besimit të investitorëve dhe rrezik të perceptuar më të lartë të borxhit.
Monedha shqiptare, lekë, është nënçmuar me gati 7% që nga fillimi i krizës COVID-19. Ky zhvlerësim mund të ndikojë në aftësinë e ndërmarrjeve për të bërë pagesa në monedhë të huaj, që është problem për shkak të përqindjes së lartë të kredive në monedhë të huaj.
Zhvlerësimi i lekut ndaj euros dhe rritja e fortë e çmimeve të ushqimit ka nxitur nflacionin nga 1.4% në 2019 në 2.1% në Mars 2020, megjithëse ende nën nivelin e 3%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
