.png)
Varianti “Omicron” i koronavirusit po përhapet me një shpejtësi të paparë në javët e fundit dhe po krijon një “cunami” në ngjitjeje në të gjithë botën.
Në Evropë, veçanërisht, është e destinuar të bëhet dominuese në javët në vijim, me një tendencë të ngjashme rritjeje në të gjitha vendet.
Është edhe një herë OBSH-ja, në konferencën e zakonshme nga Gjeneva e Zvicrës për ecurinë e pandemisë, që ka ngritur alarmin për rrezikun e “Omicron”.
“Tani është në shumicën e vendeve dhe po përhapet me një ritëm që nuk e kemi parë kurrë më parë”, – tha Drejtori i Përgjithshëm i Agjencisë së OKB-së, Tedros Adhanom Ghebreyesus, duke paralajmëruar edhe një herë qeveritë për faktin se vetëm vaksinat nuk do të jenë të mjaftueshme për të dalë nga tuneli.
“Nuk bëhet fjalë për vaksinat në vend të maskave, vaksinat në vend të hapësirës, vaksinat në vend të ventilimit dhe larjes së duarve. Duhet të bëni gjithçka së bashku, duhet ta bëni në mënyrë thelbësore, duhet ta bëni mirë”, paralajmëroi ai, duke theksuar rrezikun e nënvlerësimit të këtij varianti të ri.
“Ne jemi të shqetësuar që vendet dhe popullatat po e konsiderojnë variantin ‘Omicron’ si të butë. Ne kemi mësuar në të kaluarën se nënvlerësimi i këtij virusi është në rrezik”, – vuri në dukje ai, duke shpjeguar se nëse një numër i madh njerëzish sëmuren, spitalet rrezikojnë të kalojnë në kolaps.
Gjithashtu, siç, vuri në dukje shefi i emergjencës në OBSH, Mike Ryan, sistemet shëndetësore në mbarë botën janë më të dobëta se një vit më parë.
Pra, për të frenuar këtë cunami të rasteve të shkaktuar nga “Omicron”, por edhe nga ‘Delta’, nuk ka gjë tjetër veçse të veprohet me shpejtësi.
“Para se të filloni të shihni rritje të shtrimeve në spital, përdorni maska, favorizoni punën në distancë, kufizoni kontaktet me njerëz të tjerë, shmangni takimet, investoni në ventilim, rrisni mbikëqyrjen e gjenomave të virusit dhe përgatitni spitalet tuaja”, – është apeli i menaxheres teknike të OBSH-së për pandeminë, Maria van Kherkove.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
