.png)
Sipas udhëzimeve të reja nga Organizata Botërore e Shëndetësisë, zëvendësues të sheqerit nuk duhet të përdoren nëse po përpiqeni të humbni peshë.
Organizata globale e shëndetit tha se një rishikim sistematik i provave në dispozicion k treguar se përdorimi i ëmbëltuesve pa sheqer nuk sjell ndonjë përfitim afatgjatë në reduktimin e yndyrës së trupit tek të rriturit ose fëmijët.
“Zëvendësimi i sheqernave të lira me ëmbëlsues pa sheqer nuk i ndihmon njerëzit të kontrollojnë peshën e tyre afatgjatë,” tha Francesco Branca, drejtor i departamentit të ushqyerjes dhe sigurisë ushqimore në OBSH.
“Ne pamë një ulje të lehtë të peshës trupore në një afat të shkurtër, por nuk do të jetë e qëndrueshme.”
Udhëzimi zbatohet për të gjithë njerëzit, përveç atyre me diabet paraekzistues, tha Branca.
Kjo sepse asnjë nga studimet nuk përfshinte njerëz me diabet dhe nuk mund të bëhej një vlerësim.
Rishikimi tregoi gjithashtu se mund të ketë efekte të padëshiruara nga përdorimi afatgjatë i zëvendësuesve të sheqerit, si një rritje e lehtë e rrezikut të diabetit të tipit 2 dhe sëmundjeve kardiovaskulare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
