OBSH liston patogjenët kryesorë endemikë për të cilët nevojiten urgjentisht vaksina të reja

Një studim i ri i Organizatës Botërore të Shëndetësisë (OBSH) i publikuar sot në eBioMedicine përmend 17 patogjenë që shkaktojnë rregullisht sëmundje në komunitete si prioritetet kryesore për zhvillimin e vaksinave të reja. Studimi i OBSH-së është përpjekja e parë globale për t'i dhënë përparësi sistematike patogjenëve endemikë bazuar në kritere që përfshinin barrën rajonale të sëmundjes, rrezikun e rezistencës antimikrobike dhe ndikimin socio-ekonomik.

Strudimi rikonfirmon prioritete e kahershme për kërkimin dhe zhvillimin e vaksinave, duke përfshirë vaksinat për HIV, Malarien dhe tuberkulozin, tre sëmundje që së bashku marrin afro 2.5 milionë jetë çdo vit.

Studimi gjithashtu identifikon patogjenët si streptokoku i Grupit A dhe Klebsiella pneumoniae si prioritetet kryesore të kontrollit të sëmundjeve në të gjitha rajonet, duke theksuar urgjencën për të zhvilluar vaksina të reja për patogjenët gjithnjë e më rezistent ndaj antibiotikëve.

“Shumë shpesh vendimet globale për vaksinat e reja janë nxitur vetëm nga investimet, dhe jo nga numri i jetëve që mund të shpëtohen në komunitetet më të cënueshme”, thotë Kate O’Brien, drejtoreshë e imunizimit, vaksinave dhe biologjisë në OBSH.

Ky studim përdor ekspertizë dhe të dhëna të gjera rajonale për të vlerësuar vaksinat që jo vetëm që do të reduktonin ndjeshëm sëmundjet që ndikojnë në komunitete sot por gjithashtu do të reduktonin kostot mjekësore me të cilat përballen familjet dhe sistemet shëndetësore.

OBSH u kërkoi ekspertëve ndërkombëtarë dhe rajonalë të identifikojnë faktorët që janë më të rëndësishëm për ta kur të vendosin se cilat vaksina të prezantojnë dhe përdorin. Analiza e këtyre preferencave, e kombinuar me të dhënat rajonale për secilin patogjen, rezultoi në 10 patogjenët kryesorë me përparësi për çdo rajon të OBSH-së. Listat rajonale më pas u konsoliduan për të formuar listën globale, duke rezultuar në 17 patogjenë endemikë prioritarë për të cilët duhet të hulumtohen, zhvillohen dhe përdoren vaksina të reja.

Vaksinat që disa nga këto patogjenë janë në faza të ndryshme zhvillimi.

Lista e patogjenëve endemikë me përparësi të OBSH-së

Patogjenët ku nevojiten kërkime për vaksinat

Streptokoku i grupit A

Virusi i hepatitit C

HIV-1

Klebsiella pneumoniae

Patogjenë ku vaksinat duhet të zhvillohen më tej

Citomegalovirus

Virusi i gripit (vaksina e gjerë mbrojtëse)

Llojet e Leishmania

Salmonela

Norovirus

Malaria

Llojet Shigella

Stafilokoku

Patogjenët ku vaksinat po i afrohen miratimit rregullator, rekomandimit të politikave ose prezantimit

Virusi i Dengës

Streptokoku i grupit B

E. coli patogjen ekstra-intestinal

Tuberkulozi

Virusi sincicial i frymëmarrjes (RSV)

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.