.png)
Organizata Botërore e Shëndetësisë tha se janë konfirmuar 780 raste me linë e majmunëve në vendet ku virusi zakonisht nuk gjendet. Kjo është afërsisht sa trefishi i 257 rasteve që raportoi një javë më parë organizata.
OBSH ka deklaruar se shifra – për tre javët e fundit – ka bërë që vlerësimi i nivelit të rrezikut global është i “moderuar”
Infeksioni është zakonisht i butë, por kjo është hera e parë që përhapet gjerësisht jashtë Afrikës Qendrore dhe Perëndimore.
OBSH tha se rastet ishin identifikuar në 27 vende ku virusi nuk mund të cilësohet si endemik.
Shumica e këtyre rasteve të reja janë në Evropë dhe Amerikën e Veriut, si dhe një numër i vogël në Meksikë, Argjentinë, Marok dhe Emiratet e Bashkuara Arabe.
“Ka shumë të ngjarë që vendet e tjera të identifikojnë raste dhe të ketë përhapje të mëtejshme të virusit”, ka deklaruar OBSH.
OBSH thotë se kjo është hera e parë që kaq shumë raste janë raportuar në të njëjtën kohë në zona gjerësisht të ndryshme.
Ndërsa rreziku aktual për shëndetin e njeriut për publikun e gjerë “mbetet i ulët”, OBSH ka deklaruar se shëndeti publik mund të jetë në rrezik të lartë nëse virusi përhapet në vende që nuk është përhapur më parë.
Organizata globale e shëndetit tha se shumica, por jo të gjitha, nga rastet e raportuara deri më tani kanë përfshirë homoseksualët. Nuk ka asnjë provë që lija e majmunit është e transmetueshme seksualisht, por ajo transmetohet përmes kontaktit të ngushtë.
Organizata tha se shumë raste nuk po shfaqeshin me pamjen tipike klinike për linë e majmunëve. Është raportuar se puçrrat shfaqeshin më para se ethet dhe temperatura.
Burimi: BBC/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje