.png)
Gazeta Si- Një 29-vjeçar është arrestuar në Durrës, pasi grabiti me dhunë në një pikë të këmbimit valutor 500 mijë lekë.
Sipas policisë, Florenc Deda, më herët tentoi vjedhjen e parave në një bankë të nivelit të dytë, por kur kuptoi se nuk mund t’ia dilte, shënjestroi pikën e “exhange”-it.
Nga veprimet hetimore dhe këqyrja e pamjeve filmike, rezultoi se 29-vjeçari është autori i dyshuar i të dyja rasteve të tentativës dhe të marrjes me dhunë të shumës së parave në lagjen Nr. 1 dhe në lagjen Nr. 3, Durrës.
Në cilësinë e provës materiale, shërbimet e Policisë sekuestruan shumën e parave të marra me dhunë në “exchange”.
“Ndërhyrja në kohë e Policisë, bëri të mundur identifikimin, kapjen dhe arrestimin në flagrancë të autorit, ndërsa u sekuestruar në cilësinë e provës materiale, shuma e lekëve që ky shtetas mori me dhunë në Exchange”, njoftoi policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
