Gjykata e Posaçme e Apelit shtyn seancën e radhës ndaj Luan Dacit, anëtar u KPA-së i dënuar në shkallë të parë për “falsifikim dokumentesh”.
Shkak është bërë dorëheqja e gjyqtares Anita Mici, e cila ishte caktuar në këtë proces, por Prokuroria bëri kërkesë për përjashtimin e saj nga gjykimi.
Ajo është në proces vettingu në KPA, ku i pandehuri është anëtar edhe pse i pezulluar.
Pritet caktimi i anëtarit të ri nga ana e Këshilli i Lartë Gjyqësor.
Gjyqtari Luan Daci është dënuar në Shkallën e Parë për falsifikim dokumentesh. Ai e ka apeluar vendimin, duke kërkuar pafajësi në Apel.
Ndërkohë, avokatët e tij kanë bërë mbrojtje dhe kanë paraqitur argumentet, duke theksuar se nuk ka vepër penale.
Kolegji i Posaçëm i Apelimit vendosi për pezullimin nga detyra të ish-gjyqtarit Daci, pasi akuzohet për falsifikim të dokumenteve, duke fshehur vendimin për shkarkimin e tij në vitin 1997.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
