Gazeta Si – Një sasi e konsiderueshme parash u sekuestruan nga policia në doganën e Muriqanit në Shkodër, pasi nuk ishin deklaruar në kufi.
Bëhet fjalë për 11,790 euro të fshehura në një makinë që do të hynte në Shqipëri. Drejtuesi i mjetit, një 58-vjeçar me iniciale N.F. nga Kosova, nuk i deklaroi paratë.
Shuma monetare u gjet gjatë kontrollit të imtësishëm në mjet. Paratë u sekuestruan ndërsa 58-vjeçari u procedua në gjendje të lirë për mosdeklarim në kufi të të hollave.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
