.png)
Gazeta Si – Britaniku i Mclaren, Lando Norris vendosi “pole position” në Provat Zyrtare të “Austrian Grand Prix”, duke qënë gjysmë sekonde më i shpejtë se ndjekësi më i afërt, Charles Leclerc. Diferenca mes tyre ishte më e madhja në sesionin e Provave zyrtare mes dy vendeve të para këtë sezon. Pas dominimit në dy sesionet e para, Norris vendosi kohën më të shpejtë në fillimin e sesionit të 3 – por piloti i McLaren u përmirësua më shumë në tentativën e dytë kur e ndali kronometrin në 1’ 03”971. Leclerc vendosi kohën e dytë në bordin e Ferrari-t, dukë lënë pas rivalin Oscar Piastri-n
Australiani u penalizua nga flamuri i verdhë në momentet e fundit për shkak të incidentit të Pierre Gasly. Lewis Hamilton plotësoi rradhën e dytë të nisjes për Scuderia-n, përpara fituesit të “Canadian Grand Prix”, George Russell. Liam Lawson në timonin e Racing Bulls do të niset nga vendi i 6, ndryshe përpara Max Verstappen në rradhën e katërt. Përkrah tij do të jetë debutuesi Gabriel Bortoleto që bëri një paraqitje befasuese në bordin e Kick Sauber. Mercedes dhe Kimi Antonelli la pas rivalin e Alpine, Gasly për kompletimin e top10 në “Red Bull Ring”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
