.png)
Gazeta Si – Trajneri Ksavi Hernandez lançon talentin e radhës nga fidanishtja e Barcelonës. Lojtari i vitlindjes 2006 hyn në fushë dhe pas 33 sekondash shënon golin e fitores ndaj Atletik Bilbaos.
Një burim i pashtershëm talentesh Barcelona. Përballë mungesave të shumta, Ksavi ka besuar te të rinjtë dhe një djalosh 17-vjeçar i ka zgjidhur ndeshjen në debutimin e tij. ‘Heroi’ i Barcelona-Atletik Bilbao quhet Mark Guiu, i lindur më 4 janar 2006.
Ai shënoi golin e vetëm të ndeshjes, duke bërë një kapërcim të trefishtë kategorie. U fut në fushë në minutën e 79-të, në vend të Fermin Lopez, dhe pas 33 sekondash me dy prekje, kontroll dhe gjuajtje, mposhti Unai Simon. Barcelona shkon kështu -1 pikë nga kreu, që mbahet nga Real Madrid.
Mark Guiu shënoi me klas dhe gjakftohtësi. Festë e jashtëzkonshme nga 17-vjeçari, por edhe nga trajneri Ksavi Hernandez. Fidanishtja e Barcelonës nuk tradhton kurrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
