Gazeta Si – Prej disa javësh ish-futbollisti i famshëm brazilian është i shtruar në spital, pasi gjendja e tij shëndetësore është rënduar. Keli Nashimento, vajza e tij, ka ndarë në rrjetet sociale momentet e vështira me të atin.
“Jemi këtu, në luftë dhe besim. Një tjetër natë bashkë”. Ishte ky postimi prekës në prag të Krishtlindjeve nga vajza e Pelé, i shoqëruar me një foto nga dhoma e spitalit. Një foto që thotë shumë: ‘O Rei’, në shtrat i intubuar dhe përqafimi i ngrohtë i së bijës.
Pelé, 82 vjeç, prej kohësh po lufton me një tumor. Lajmet e fundit nga spitali ‘Albert Einstein’ në San Paolo flasin për probleme serioze kardiake dhe me veshkat.
“Dua t’i falënderoj të gjithë për mbështetjen dhe lutjet që kemi marrë për babanë tonë. Ju falënderoj në emrin tim dhe të familjes, – kishte shkruar orët e fundit djali i Pelé, Edinjo, ish-portier dhe tani trajner në Serinë B braziliane. – Ndonjëherë marr kohë për të reflektuar dhe për t’u lutur. Disa momente janë të vështira”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
