.png)
Gazeta Si – Një tërmet me magnitudë 6.9 ballë të shkallës Rihter goditi brigjet e Filipineve rreth orës 22:00 të së martës (4:00 pasdite sipas orës GMT).
Autoritetet lokale thanë se 69 persona vdiqën, më shumë se 150 u plagosën dhe disa ndërtesa u shembën.
Epiqendra ishte e vendosur rreth 17 kilometra në verilindje të qytetit të Bogos, në provincën e Cebusë, në pjesën qendrore të vendit (që është një arkipelag ishujsh), dhe hipoqendra ishte në një thellësi prej 11 kilometrash, sipas Shërbimit Gjeologjik të Shteteve të Bashkuara (USGS), agjencisë qeveritare amerikane që, ndër të tjera, mat tërmetet.
Shumë njerëz lanë shtëpitë e tyre dhe u mblodhën në zona të sigurta të qytetit, ku u ndërpre energjia elektrike. Qendra e Monitorimit të Tërmeteve në Filipine fillimisht lëshoi një paralajmërim për cunami, duke i nxitur njerëzit të largoheshin nga bregu, por alarmi u hoq menjëherë pas kësaj.
Provinca Cebu, e cila është gjithashtu një destinacion i njohur turistik, është shtëpia e afërsisht 3.4 milionë banorëve. Aeroporti Ndërkombëtar Mactan-Cebu, i dyti më i madh në vend, mbeti funksional pavarësisht tërmetit.
Alfie Reyes, nënkryetari i bashkisë së San Remigio-s, një qytet në provincën Cebu, ka shpallur gjendje katastrofe për qytetin.
Duke folur për një radio lokale, ai tha se shirat e rrëmbyeshëm po i bëjnë përpjekjet e ndihmës më komplekse dhe të ngadalta, dhe se uji po fillon të pakësohet për shkak se tërmeti dëmtoi furnizimin me ujë.
Reyes tha gjithashtu se midis të vdekurve janë disa persona që po luanin basketboll në një arenë të San Remigio-s, e cila u shemb pjesërisht për shkak të tërmetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
