.png)
Gazeta Si – Të martën në mbrëmje, Izraeli bombardoi kampin më të madh të refugjatëve palestinezë në Liban.
Ministria libaneze e Shëndetësisë, raportoi se të paktën 13 persona u vranë dhe katër u plagosën. Izraeli pretendoi se sulmi kishte në shënjestër një strukturë stërvitore të Hamasit në kamp, një pretekst që shpesh e përmend për operacione ushtarake që plagosin ose vrasin dhjetëra civilë. Hamasi ka mohuar se ka struktura ushtarake në kampet e refugjatëve libanezë.
Izraeli sulmon rregullisht Libanin jugor, por zakonisht në zonat në kufirin midis dy vendeve ku pretendon se ndodhet Hezbollahu, grupi politik dhe ushtarak shiit i aleatëve me Hamasin (të dy të mbështetur nga Irani).
Kampi i synuar quhet Ein el Hilweh, i cili ka afërsisht 60,000 banorë dhe ndodhet gjithashtu në jug të vendit, pranë qytetit të Sidonit, por shumë më larg kufirit izraelit.
Kampet e refugjatëve palestinezë kanë ekzistuar për dekada në territoret palestineze dhe vendet përreth: ato nuk janë struktura të përkohshme dhe përkundrazi ngjajnë me qytete me rrugë dhe ndërtesa, megjithëse shpesh janë të rrënuara, u mungon shumë infrastruktura bazë dhe kushtet e jetesës janë jashtëzakonisht të pasigurta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
