Një garë e Formulës 1 në Kolumbi, në vendin e ish-pilotit të Uilliams dhe MekLaren, Juan Pablo Montoja? Është më shumë se një ide, sipas asaj që raporton e përditshmja “El Tiempo”. Lajmi është dhënë nga presidenti i Kolumbisë, Ivan Duque, i cili ka ndarë publikisht propozimin e kryebashkiakut të Barranquilla, Jaime Pumarejo, për të pritur një garë të F.1.
Duque ka folur gjatë ‘workshop’-it “Duke ndërtuar vendin”, që është organizuar për të promovuar dialogun mes qytetarëve dhe politikës.
“Pumarejo thotë se ka një mundësi për të paraqitur një projekt, që na lejon të kemi një cirkuit, – thekson Duque. — Mundësia është ende larg konkretizimit, por kryebashkiaku ka folur me drejtuesit e Formulës 1 dhe ka gjithë mbështetjen tonë”.
Kreu i qeverisë kolumbiane ka specifikuar se cirkuiti i projektuar për momentin do të jetë i tipit gjysmë-urban. Pista do të ndërtohet shumë pranë detit, në Barranquilla, qytet në veri të Kolumbisë dhe ndër më të populluarit në këtë vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
