Asnjë surprizë e pakëndshme nga Gjykatësi Sportiv për Zllatan Ibrahimoviçin dhe Romelu Lukakun, pas herrit të tyre në derbin e Kupës së Italisë. Si suedezi, i ndëshkuar me të kuq, ashtu edhe belgu, që ka plotësuar numrin e kartonëve të verdhë, janë skualifikuar vetëm me një ndeshje.
Sulmuesi i Interit, ashtu si dhe Hakimi, do të humbë gjysmëfinalene parë me Juventusin në Kupën e Italisë. Por Prokuroria e Federatës Italiane të Futbollit mund të kërkojë edhe provën televizive për një ndëshkim të mundshëm të Ibrahimoviçit. Nga raporti i arbitrit Valeri nuk kanë dalë detaje të veçanta, që mund ta rëndonin dënimin e dy futbollistëve. Zënka verbale mes tyre u ndëshkua me nga një karton të verdhë nga arbitri.
Nuk është e thënë se gjithçka është e mbyllur me dënimin me nga një ndeshje, pasi raporti i arbitrit mund të mos jetë i plotë. Organet kompetente të Federatës Italiane mund ta thërrasin Ibrahimoviçin për të dëgjuar versionin e tij në lidhje me atë që ndodhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
