.png)
Nga Gazeta Si – Liga e Kampionëve të UEFA-s rikthehet me përplasjet më të mëdha të futbollit evropian në javën e tretë të fazës së Ligës.
Spektakli pritet të shoqërohet nga takime emocionale për lojtarë si Thomas Delaney, Noa Lang, Eric Dier, Jorrel Hato dhe Hugo Ekitiké, ndërsa një tjetër kapitull do të shkruhet në rivalitetin e madh mes Realit të Madridit dhe Juventus-it.
Më poshtë janë faktet dhe statistikat kryesore për çdo ndeshje të sotme:
Barcelona vs Olympiacos (18:45)
Takimet e vetme mes këtyre skuadrave në garat e UEFA-s kanë qenë në fazën e grupeve të sezonit 2017/18. Barcelona fitoi 3-1 në shtëpi në javën e tretë dhe barazoi 0-0 në Greqi në javën e katërt.
Kairat Almaty vs Pafos (18:45)
Kairat Almaty është përballur vetëm një herë më parë me ekipe qipriote në Evropë: dy barazime 0-0 me Omonoia-n në fazën e grupeve të Conference League 2021/22.
Arsenal vs Atlético de Madrid
Një fitore për Arsenalin do të ishte e 100-ta për klubin londinez në historinë e Champions League.
Leverkusen vs Paris Saint-Germain
Përballja e vetme mes këtyre skuadrave ishte në 1/8 e finaleve të sezonit 2013/14, kur PSG fitoi 4-0 në Gjermani dhe më pas 2-1 në Paris.
Copenhagen vs Borussia Dortmund
Serhou Guirassy ka shënuar 16 gola në 20 ndeshje (11 në 11 ndeshjet e fundit) – vetëm Erling Haaland ka shënuar më shumë.
Newcastle United vs Benfica
Newcastle ka fituar vetëm 1 nga 7 ndeshjet e luajtura në Evropë kundër ekipeve portugeze (D4, L2).
PSV Eindhoven vs Napoli
PSV ka nevojë për 3 gola që të arrijë kuotën e 300 golave në historinë e Kupës së Kampionëve/Champions League. Ajax (396) është i vetmi klub holandez që e ka arritur këtë shifër.
Union Saint-Gilloise vs Inter
Lautaro Martínez ka shënuar 10 gola në 9 ndeshjet e fundit në Champions League. Ndërsa Alessandro Bastoni mund të regjistrojë paraqitjen e tij të 50-të në këtë kompeticion.
Villarreal vs Manchester City
Manchester City i ka fituar të dy ndeshjet e vetme kundër Villarreal-it në garat e UEFA-s, në sezonin 2011/12: të parën, 2-1 në Manchester dhe të kthimit, 3-0 në Villarreal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
