Gazeta Si – Një aksident i dyfishtë ndodhi sot në mbrëmje në qytetin e Vlorës, në rrugën transballkanike, ku një Wolkswagen Touareg ka goditur një Peugeot. Kjo e fundit, pas goditjes së fortë, ka dalë nga rruga dhe ka goditur një shtyllë. Dy persona janë lënduar dhe kanë shkuar në spital për të marrë ndihmën mjekësore.
Drejtuesi i Touareg-ut, sipas informacioneve të para, është ish-drejtori i doganës në Fier, Arlind Lagji. Më parë ai kishte shkaktuar një tjetër aksident, kishte goditur një grua, që ndodhet në spital.
Lagji ishte munduar të largohej me shpejtësi nga vendngjarja, ndaj dhe ka shkaktuar edhe aksidentin e dytë. Pas aksidentit të dytë ish-doganieri është ndaluar nga forcat e rendit. Arlind Lagji u bë i njohur për publikun, kur një qytetar e akuzonte për kërcënim me jetë. Shkak ishte lidhja jashtëmartesore qe ish-drejtori kishte me gruan e qytetarit. Një histori që sollin edhe largimi nga posti që mbante të Lagjit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
