.png)
Skuadra franceze nuk mund ta niste më mirë Ligën e Kombeve. Për hapjen e kompeticionit kundër Italisë, Gjelat shënuan pa bërë ende një pasim të vetëm.
Bredli Barkolasë iu deshën vetëm 13 sekonda që të merrte topin nga këmbët e Di Lorencos, të vraponte drejt portës dhe të driblonte shokun e tij të klubit, Xhanluixhi Donaruma duke goditur në shtyllën e parë.
Rekordi i mëparshëm i kombëtares transalpine për golin më të shpejtë daton në Kupën e Botës 1978. Asokoh, Bernar Lakomb hapi rezultatin gjithashtu kundër Italisë pas 36 sekondash, por skuadra e Dino Zoff fitoi me përmbysje 2-1.
Ndërkohë, këta dy gola janë në tre më të shpejtët e pësuar në historinë e saj nga kombëtarja italiane. Mes dy francezëve qëndron Nedim Bajrami, i cili në Europianin e kaluar i shënoi Donarumës pas vetëm 23 sekondash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
