.png)
Në zyrën ku ish-kryeministri Sali Berisha mblodhi Komisionin e Rithemelimit një strukturë e ngritur nga Kuvendi i 11 dhjetorit, kryetari i PD-së, Lulzim Basha ka pritur një ditë më pas ambasadorët e akredituar në vend.
Takimi mes tyre ka zgjatur më shumë se një orë. Basha ka përshëndetur secilin prej tyre në dalje të selisë blu, ndërsa nuk ka bërë asnjë koment për mediat.
Takimi nisi në orën 10:00. Në selinë blu mbërriti ambasadorja e SHBA, Yuri Kim, ambasadori i BE-së, Luigi Soreca dhe ambasadori i Gjermanisë Peter Zingraf. Po ashtu në takim ishin edhe diplomatët e Francës dhe Britanisë së Madhe.
Ambasadorët fillimisht janë pritur nga Sekretari i Përgjithshëm i PD-së, Gazment Bardhi dhe nënkryetarja e PD, Jorida Tabaku.
Takimi vjen një ditë pasi, Sali Berisha me përkrahësit e tij shkuan në ambientet e selisë blu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
