Gazeta Si – Një çift qytetarësh heronj, u përpoqën të ndalonin një nga sulmuesit në masakrën e Bondi Beach në Sydney, por për fat të keq ata u qëlluan për vdekje.
Emri i burrit ishte Boris Gurman, 69 vjeç. Gruaja e tij, Sofia, 61 vjeçe, ndërhyri gjithashtu dhe humbi jetën së bashku me të.
Sipas “Sydney Morning Herald”, çifti ishte i pari nga 15 viktimat e sulmit. Boris dhe Sofia, hebrenj dhe banues në Bondi, do të festonin 35-vjetorin e martesës në janar, raporton BBC.
Një video tregon Gurman, një mekanik në pension, duke u përballur me një nga sulmuesit dhe duke i marrë armën para se të dy të binin në tokë.
Ai më pas ngrihet dhe duket se e godet sulmuesin me pushkë. Besohet se autori më pas kapi një armë tjetër zjarri, të cilën e përdori për të vrarë atë dhe gruan e tij, e cila punonte për “Australia Post”.
“Ndërsa asgjë nuk mund ta lehtësojë dhimbjen e humbjes së Boris dhe Sofia, ne ndiejmë krenari të madhe për guximin dhe vetëmohimin e tyre”, tha familja. “Kjo përmbledh se kush ishin ata: njerëz që instiktivisht dhe pa vetëmohim kërkonin të ndihmonin të tjerët”.
Një gruaja që zotëronte pamjet e kamerës së makinës së saj, i tha agjencisë së lajmeve “Reuters”, se Gurman “nuk iku me vrap, por rrezikoi duke përdorur gjithë forcën e tij për t’i rrëmbyer armën dhe për të luftuar deri në vdekje”.
Një person tjetër që pretendoi se kishte qenë dëshmitar i incidentit, i tha agjencisë australiane të lajmeve, “9News”: “Ai ishte një hero. Ai u përpoq. Të gjithë duhet ta dinë se çfarë sakrifikoi me plumbat që fluturonin”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
