Danimarka dhe Norvegjia njoftuan sot se kanë mbyllur përkohësisht ambasadat e tyre në Kabul për shkak të gjendjes së sigurisë.
“Ne kemi vendosur të mbyllim përkohësisht ambasadën tonë në Kabul ,” u tha gazetarëve ministri i jashtëm danez Jepe Kofont, duke shtuar se operacioni i evakuimit do të kryhej në një koordinim të ngushtë me Norvegjinë, me të cilën ata nddodhen në një kompleks ndërtimi.
Nga ana e saj, Ministrja e Jashtme norvegjeze Ine Soreide tha se vendi i saj gjithashtu do të mbyllte ambasadën dhe do të dëbonte diplomatët norvegjezë, punëtorët lokalë dhe të afërmit e ngushtë.
Ambasadorët e vendeve të NATO-s zhvilluan sot një takim të jashtëzakonshëm për të diskutuar përkeqësimin e shpejtë të situatës së sigurisë në Afganistan dhe për të koordinuar masat kombëtare për të zvogëluar stafin e ambasadave në Kabul.
Aleanca perëndimore ka përfunduar operacionet ushtarake në Afganistan pas gati dy dekadash dhe ka tërhequr shumicën e trupave të saj nga vendi, por ajo është ende një forum për koordinimin e masave kombëtare atje.
Ndërkohë, që trupat largohen talebanët kanë nisur të marrin nën kontroll qytete në Afganistan. Pas Heratit, ata pushtuan Puli -Alam, 80 km nga Kabuli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
