.png)
Avokat Spartak Ngjela nuk e ka pritur mirë reagimin e kryeministrit Edi Rama lidhur me publikimin e pagave të 637 mijë qytetarëve shtetas shqiptar dhe të huaj që jetojnë në Shqipëri.
“Sapo dëgjova konferencën e shtypit të kryeministrit të Shqipërisë.
Flet sikur të jetë një njeri i thjeshtë i popullit.
Nuk ka kuptuar asgjë. Sot atij i ka rënë shteti; sepse 650 mijë shqiptarë janë dhunuar në pikën më të dobët të ekzistencës së tyre.
Kryeministrit i ka rënë shteti; kurse ai bën një avokati vulgare, duke thënë se do të përmirësojë sistemin; dhe se kjo ka ndodhur kudo në vende të ndryshme të Perëndimit. Turp! Mbrojtje vulgare.
Duhet të japë dorëheqjen. Nuk ka siguruar jetën ekonomike të qytetarëve të tij; që është sekret i njohur me ligj.
Edi Rama, që nga sot nuk është më kryeministër i shqiptarëve të dhunuar.
Duhet të japë dorëheqjen.
Nën një dhunim të tillë që iu bë shqiptarëve masivisht, përgjegjësi është shefi i qeverisë me të gjithë qeverinë.
Vlera e një kryeministri është garantimi i jetës shoqërore të shqiptarëve. Mosgarantizmi i kësaj jete është krim.
Kurse kryeministri flet sikur nuk ka qenë kryeministri i këtij vendi.
Zoti kryeministër! Qenia kryeministër nuk është privilegj, por është përgjegjësi!” shkruan Ngjela në faqen e tij Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
