.png)
Gazeta Si - Një 33-vjeçar me iniciale G.M., banues në Fushë-Mamurras të Kurbinit, u arrestua në Kurbin, pasi shqetësonte dhe fyente një vajzë 24-vjeçare në rrjetet sociale përmes disa profileve false në rrjetin Facebook dhe Instagram.
Hetimi nisi në vitin 2023 pas denoncimit të 24-vjeçares nga Durrësi, e cila denoncoi në polici se shqetësohej nga llogari të ndryshme false në rrjete spciale.
Nga hetimi, policia mundi të identifikonte kush fshihej pas adresave false, pikërisht 33-vjeçari. Ky i fundit u arrestua, ndërsa në shtëpinë e tij u gjet dhe sekuestrua një kallashnikov me 2 krehëra dhe 46 fishekë.
I riu akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Falsifikimi kompjuterik”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
