.png)
Gazeta Si- Një grup kriminal që trafikonte lëndë narkotike në Francë dhe që drejtohej nga një shqiptar, është goditur nga SPAK në bashkëpunim me autoritetet franceze, ku lënda narkotike e sekuestruar tejkalon vlerën prej 1 milion euro.
Sipas SPAK, dërgesat me lëndë narkotike ishin ditore dhe dërgoheshin te grupet e shitjes në qarqet Rhone, Ain, Savojë dhe Savojë e Sipërme të Lionit.
Aktiviteti i paligjshëm kriminal në fushën e narkotikëve që zhvillohej në territorin francez, drejtohej nga një shtetas shqiptar, i cili jetonte dhe banonte në Shqipëri, përfshirë dy bashkëpunëtorët e tij. Ata janë Redian Doda, Zabit Fisniku, Fabi Isaku, të cilët u arrestuan në vendin tonë me urdhër të SPAK.
Poshtu, Prokuroria e Posaçme, ka vendosur dhe sekuestro preventive për një llogari bankare 20 mijë euro në emër të Dodës dhe shtetasi J.H.
Në kuadër të këtij hetimi në Francë dhe në Shqipëri, u identifikuan 19 persona, shqiptarë e të huaj, të pëfshirë në trafikun e drogës, heroinë e kokainës.
Nga këta, në Francë u arrestuan 16 persona, shqiptarë e të huaj. Nga kontrolle të tjera në Shqipëri janë sekuestruar 15 makina, 34.270 Euro cash, 1000 Franga zvicerane, 180 mijë Lekë të reja, 9 celularë, 3 tableta, 1 kamera, dokumente e karta SIM.
Pas kontrolleve të ushtruara në territorin shqiptar, janë sekuestruar sendet e mëposhtme:
· 15 automjete,
· 34.270 euro cash,
· 1000 franga zviceriane,
· 180.000 lekë të reja,
· 9 aparate celularë,
· 3 tableta,
· 1 kamerë, dokumente dhe karta SIM.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
