Nga Gazeta ‘SI’ – Enti Rregullator i Ujit ka miratuar rritjen e çmimit për dy bashki të tjera dhe për 12 bashki.
Konkretisht, nga 1 janar i 2025, në Shkodër dhe Vaun e Dejës, çmimi i ujit do të kushtojë 37.5% më shumë, 55 lekë për m3. Shoqëria Rajonale e Ujësjellës-Kanalizimeve Shkodër sh.a ka në mbulim dhe Pukën, Fushë Arrzin dhe Malësinë e Madhe ku tarifa e re e ujit do të jetë 40 lekë/m3.
Për biznese çmimi mbetet i njëjtë.
Edhe në Gjirokastër do të ketë rritje të çmimit të ujit, sipas vendimeve të ERRU.
Konkretisht familjet e Gjirokastrës do të paguajnë një çmim 8.6% më të lartë në raport me çmimin aktual. Sot m3 ujë paguhet 46 lekë ndërsa me çmimin e ri 50 lekë m3. Në Përmet rritja llogaritet në 25% ku nga 40 lekë do të paguajnë 50 lekë m3 ujë.
Në Tepelenë rritja llogaritet në 51.5% dhe po kaq edhe në Memaliaj. Në Këlcyrë rritja është 35% ku ka një rishikim çmimi edhe për institucionet publike me një rritje 20 lekë për m3 ujë në raport me çmimin aktual.
Rritja çmimi do të ketë edhe në zonën e Dropullit dhe Libohovës.
Pak muaj më parë ERRU miratoi rritjen e çmimit të Vlorës, Mirditës, Lezhës, Kurbinit dhe Fierit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
