Gazeta Si – Një sasi prej 40 kg drogë e llojit kanabis sativa është sekuestruar në Lezhë në kuadër të operacionit të koduar “Tempulli”.
Policia sqaroi se kanë arrestuar tre persona, ndërsa transportonin lëndën narkotike në aksin rrugor Shkodër – Tiranë.
Shërbimet e policisë kanë ndaluar automjetin tip “Renault” me të cilin dyshohej se po transportohej lënda narkotike, ku janë gjetur 3 thasë me cannabis sativa, me peshë totale 40 kilogramë e 200 gramë.
Dhe në kuadër të këtij operacioni mësohet se shtetasit e arrestuar janë: Ergys Markja 32 vjeç, Dorjan Salla 36 vjeç dhe Artur Demiri 37 vjeç.
Nga veprimet hetimore dyshohet se lënda narkotike që u gjet në automjetin e marrë me qira nga 32-vjeçari po transportohej në drejtim të Tiranës, me qëllim shitjen në doza.
Sasia e lëndës narkotike u sekuestrua në cilësinë e provës materiale, bashkë me automjetin dhe 4 celularë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
