Partia Demokratike do të mbledhë kryesinë, pasi Sali Berisha mori vulën dhe logon pas vendimit të Gjykatës së Apelit.
Sipas burimeve do të diskutohen emrat e drejtuesve politikë, po ashtu edhe një protestë e mundshme që mund të mbahet në muajin korrik.
Për protestën pritet që të merret një vendim final në mbledhjen e kryesisë pasi muaji Korrik përkon edhe me kohë pushimesh.
Protesta planifikohet paraprakisht të zhvillohet edhe për debatin e afërm që pritet të përfshijë Kuvendin nëse duhet t’i hiqet mandati i deputetit Sali Berishës. Pala e Berishës pretendon që jo pasi nuk jemi në kushtet e parashikuara, por mazhoranca pritet të shfrytëzojë nenin kushtetues që lidhet me mungesën prej 6 muajsh të Berishës në Kuvend
Ashtu si edhe herët e tjera, Berisha pritet ta drejtoje mbledhjen e kryesisë online, pasi prej muajit dhjetor, ai ndodhet në arrest shtëpie
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.