Gazeta Si – Formula 1 po bëhet gati për startin e Botërorit 2023 në Bahrein, në cirkuitin ku të dielën e 29 nëntorit 2020 përfundoi karriera e Romain Grosjean.
Ai shpëtoi mrekullisht, pasi doli nga flakët e Has-Ferrarit, pas incidentit të frikshëm që u shkaktua nga kontakti me Alpha Taurin e Danil Kvyat, pak kthesa pas nisjes së garës së parafundit të sezonit.
Mbetjet e asaj makine, që u nda në copa pas përplasjes së fuqishme, për herë të parë do të ekspozohen për publikun. Do të ndodhë pas një muaji, të premten e 24 marsit, në kuadrin e ‘Formula 1 Exhibition’ në Madrid.
Reliket e Has VF-20 të djegur të pilotit francez, që aktualisht garon në Indycar, do të jenë pjesë e një instalacioni multimedial. Në një ekran të madh ndërkohë do të shfaqen sekuencat e incidentit (për disa thuhet se nuk janë publikuar më parë), si dhe dëshmia e vetë protagonistit Romain Grosjean për momentet dramatike që përjetoi në 30 sekonda mes flakëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
