Gazeta Si – Një 50-shqiptar është arrestuar në Itali, pasi i është sekuestruar një sasi e konsierueshme heroine nga policia e Ankonës.
I arrestuari, identiteti i të cilit nuk është bërë i ditur, ishte nisur nga Porti i Durrësit me destinacion shtetin fqinj.
Sipas shtypit italian, 50-vjeçari udhëtonte me një makinë tip “Mercedes” dhe droga ishte fshehur në sediljet e pasme të automjetit.
Nga kontrollet e autoriteteve italiane u gjetën dhe sekuestruan 24 kg heroinë e ndarë në 43 pako, që nëse hidhej në treg do të kapte një vlerë rreth 1 milion Euro.
Prokuroria italiane dyshon se i arrestuari është vetëm një korrier i kësaj sasie të konsiderueshme heroine.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
