Netflix ka publikuar trailerin e parë zyrtar për dokumentarin e ardhshëm të çiftit, "Harry dhe Meghan".
"Pse keni dashur ta bëni këtë dokumentar?" pyeten ata në trailer, e më pas shfaqen një seri fotosh të çiftit në momente publike dhe private.
“Askush nuk e sheh atë që po ndodh pas dyerve të mbyllura”, dëgjohet të thotë Princi Harry. “Më duhej të bëja gjithçka që mundja për të mbrojtur familjen time”, vijon ai më tej.
Meghan shfaqet më vonë duke thënë: "Kur aksionet janë kaq të mëdha, a nuk ka më kuptim të dëgjosh historinë tonë nga ne?"
Netflix e quan atë si "një serial dokumentar që nuk është parë kurrë më parë”.
“Me komente nga miqtë dhe familjarët, shumica e të cilëve nuk kanë folur kurrë më parë publikisht për atë që kanë parë, dhe historianët që diskutojnë gjendjen e Komonuelthit sot dhe marrëdhëniet e familjes mbretërore me shtypin, seriali bën më shumë sesa të tregojë dashurinë e një çifti”, thuhet në njoftimin e Netflix.
Deri më tani nuk ka një datë se kur do të dalë dhe nga Netflix është thënë vetëm se “vjen së shpejti”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
