Gazeta Si – PSG në kaos total dhe Nejmar në qendër të polemikave. Eliminimi nga Liga e Kampionëve dhe humbja ndaj Monakosë kanë lënë shenjë në skuadër.
Sipas “Rmc Sport”, Nejmar kohët e fundit ka shkuar në fushën e stërvitjes në gjendje thuajse të dehur dhe nuk ka mundur të punojë me shokët e skuadrës. Kjo situatë ka sjellë një krisje të fortë mes brazilianit, drejtuesve të klubit dhe shokëve të ekipit.
Bashkë me Lionel Mesin, paraqitja e të cilit në Paris ka qenë larg pritshmërive, Nejmar konsiderohet nga ambienti i PSG-së fajtor për sezonin negativ. Për më tepër, sipas “L’Equipe”, braziliani është lojtari më i paguar i klubit francez me 4 milionë euro në muaj, i ndjekur nga Mesi me 3.3 milionë dhe Mbape me 2.2 milionë.
Një situatë shumë e komplikuar dhe e vështirë për t’u administruar nga ana e klubit, sidomos në lidhje me sjelljen e Nejmarit. Ai është kthyer në një çështje të nxehtë tashmë dhe në verë nuk përjashtohet mundësia e shitjes nga ana e PSG-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
