.png)
Nga Gazeta 'Si'- Komisioneri për Zgjerimin, Oliver Varhelyi u shpreh se pa zgjerimin Europa nuk mund të bëhet më e fortë.
Ndër të tjera, ai u shpreh se në 2022 patën konferencën e parë ndërqeveritare që nënkuptonte se bisedimet e anëtarësimit nisën. Krah kësaj, tha Verhelyi, nisi ndërtimi i Europës në Shqipëri.
Komisionieri tha gjithashtu se Shqipëria kurrë nuk është stepur për të bërë gjithçka në rrugën e integrimit të BE-së.
Varhelyi: Është e padiskutueshme tashmë për BE-në që zgjerimi është mes tri përparësive kryesore, sepse pa zgjerimin Europa nuk mund të bëhet më e fortë. Krahasuar me pikën nga e nisëm në 2019 kemi bërë një rrugë të gjatë. Me kujtohet dita e parë në detyrë ku mu desh të telefonoja kryeministrin Rama ku ishin përballur me tërmet shkatërrues. Ndërhymë menjëherë për të ndihmuar dhe kjo formësoi pjesën tjetër të mandatit dhe solli një qasje të re.
Kishim tri përpjekje të dështuara për arritjen e negociatave dhe në thelb u desh që politika e zgjerimit të ngrihej në këmbë dhe pastaj të merreshim me integrimin e mirëfilltë dhe pastaj sit ë arrinim një ekonomi dhe shoqëri të ngjashme para se të arrihej integrimi.
E para hartimi i një metodologjie të re më pas plan i rritjes që po e bën të mundur anëtarësimin. Do të mund të shohim kryeministrin Rama të emërojë apo të japë propozimin e tij për komisionerin. Rama në fillim më shihte me një nivel modest pikëpyetje nëse kjo do të ishte e mundur, dhe kjo është e mundur sepse qeveria mori një qasje të re, që përfshin të mos druhet të bëjë gjithçka që është e nevojshme në terren.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
