.png)
Raundi i dytë i bisedimeve ndërmjet Rusisë dhe Ukrainës filloi të enjten, njoftoi në profilin e tij në Twitter këshilltari i presidentit ukrainas Mikhailo Podoliak.
“Ne po fillojmë të flasim me përfaqësuesit rusë. Në rendin e ditës, një armëpushim i menjëhershëm, armëpushim dhe korridore humanitare për largimin e civilëve nga fshatrat dhe qytetet e shkatërruara ose të bombarduara vazhdimisht”
Negociatat mes Rusisë dhe Ukrainës po mbahen në rajonin e Brestit, në Bjellorusi.
Rajoni i Brestit për të cilin ukrainasit nuk e kishin ndarë ende mendjen për tu takuar është një qytet me një histori të rëndësishme.
Më 3 mars 1918, u nënshkrua paqja e Brest-Litovsk midis fuqive qendrore dhe Rusisë së Leninit, e cila sanksionoi daljen e Moskës nga Lufta e Parë Botërore.
Tani për tani – tha Sergei Lavrov, ministri i Jashtëm rus – “Vladimir Putin është duke zhvilluar një tjetër bisedë telefonike me Emmanuel Macron”.
Ndërkohë përmes një video mesazhi të ri, Presidenti ukrainas Volodymyr Zelensky publikoi një video të re, njëkohësisht me konferencën për shtyp të ministrit të Jashtëm rus Lavrov. “Nuk kemi asgjë tjetër për të humbur veç lirisë sonë. Rusia do të na dëmshpërblejë, ne do të rindërtojmë çdo rrugë dhe çdo shtëpi”, thotë Zelensky në video-mesazh.
“Një zgjidhje për situatën në Ukrainë do të gjendet”: tha Ministri i Jashtëm Serghei Lavrov, cituar nga agjencitë ruse Tass dhe Interfax.
Lavrov gjithashtu konfirmoi në një konferencë për shtyp se bisedimet midis përfaqësuesve të Rusisë dhe Ukrainës do të zhvillohen të enjten, siç ishte planifikuar. “Ne jemi gati për dialog, jam i sigurt se histeria do të zvogëlohet dhe se Perëndimi do ta kapërcejë furinë e tij”, tha ai. Më pas ai kritikoi ashpër Shtetet e Bashkuara (“Ata duan të kontrollojnë Evropën si Hitleri dhe Napoleoni, ata po përpiqen të na imponojnë vizionin e tyre për të ardhmen e kontinentit”) dhe akuzoi Perëndimin se po mendon për një luftë bërthamore. “Nuk e duam”, garantoi ministri dhe më pas saktësoi: “Nëse vendosin armë bërthamore kundër nesh, ne do të merremi me situatën”. “Rusia”, shtoi ai, “nuk do të lejojë që interesat e saj të shkelen vazhdimisht”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
