Udhëheqësit e BE-së e bindën Hungarinë e Viktor Orban të mbështeste një paketë financimi prej 50 miliardë eurosh për Ukrainën. Politico njofton se marrëveshja e BE-së për një paketë shtesë prej 50 miliardë eurosh për Ukrainën erdhi pasi një grup i vogël liderësh bindi kryeministrin hungarez Viktor Orbán të heqë veton e tij mbi financimin e Ukrainës.
Presidenti i Këshillit të BE-së Charles Michel, presidentja e Komisionit Evropian Ursula von der Leyen dhe liderët e Francës, Gjermanisë dhe Italisë zhvilluan një takim me dyer të mbyllura me kryeministrin hungarez.
Takimi u zgjerua më pas me liderë të tjerë, duke përfshirë kryeministrin holandez Mark Rutte, kryeministrin polak Donald Tusk dhe kryeministrin belg Alexander De Croo.
Presidenti i Këshillit Evropian Charles Michel njoftoi se ekziston një marrëveshje për ofrimin e mbështetjes financiare për Ukrainën deri në vitin 2027.
“Të 27 liderët ranë dakord për një paketë shtesë prej 50 miliardë eurosh për Ukrainën brenda buxhetit të BE-së”, shkroi Michel në X, disa minuta pas fillimit zyrtar të takimit të Këshillit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.