Nën një shkëmb në gjirin e Vlorës, një nga vendet më të bukura në rivierën shqiptare, një zhytës del nga uji duke mbajtur një predhë artilerie të cilën e vendos me kujdes në plazhin me guralecë.
Këto predha dhe granata datojnë nga Lufta e Dytë Botërore ndryshken në shtratin e detit, duke ndotur ujin dhe duke paraqitur një kërcënim për notarët.
Në bordin e anijes mbështetëse të zhytjes “Pluton”, një grup prej rreth 10 zhytësish francezë dhe shqiptarë janë në një mision të përbashkët për të gjetur dhe hequr municionet – por askush nuk e di se sa kanë mbetur ende.
Në më pak se dy orë, zhytësit mblodhën 85 copë municione mbresëlënëse, të cilat me gjasë ishin hedhur qëllimisht në det nga trupat pushtuese italiane shtatë dekada më parë.
“Është një punë e përbashkët me marinën shqiptare, e cila e njeh vendin më mirë se ne,” tha për AFP kapiteni Aymeric Barazer de Lannurien, komandant i kontingjentit francez.
Specialistët gjetën gjithsej 310 pajisje gjatë përpjekjes së përbashkët franko-shqiptare të vitit të kaluar.
Barazer de Lannurien tha se, shumica e predhave të gjetura ishin predha artilerie, të vendosura midis shkëmbinjve në shtratin e detit.
Ekspertët vlerësojnë se të paktën 20 rrënoja të anijeve të Luftës së Dytë Botërore, ndodhen pranë bregut të Shqipërisë Adriatik
“Ne gjetëm një ose dy granata që ishin në fund midis shkëmbinjve, lehtësisht të arritshme për popullatën që mund të ishin të rrezikshme për notarët,” shtoi ai.
Ekipi tha se ata gjetën mortaja dhe predha me kalibra që varionin nga 20 mm në 155 mm.
Ekipet janë të përgatitura mirë në trajtimin e goditjeve potencialisht vdekjeprurëse, por një ambulancë është parkuar afër për çdo rast.
Zhytësit kalojnë mjetet shpërthyese mes tyre përpara se t’i rreshtojnë me kujdes në plazh.
Trupat shqiptare më pas mbledhin predhat dhe i shkatërrojnë në një bazë ushtarake në kryeqytetin Tiranë.
Ekipet përballen jo vetëm me rrezikun gjithnjë e më të pranishëm të shpërthimit, por edhe me det të trazuar dhe vapë përvëluese.
“Zhytja për asgjësimin e bombave është një profesion, por mbi të gjitha është një pasion i madh”, tha kapiteni shqiptar Ilirian Kristo.
Burimi: RFI/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
