Një 31-vjeçar është arrestuar në një lokal tek Unaza e Re në Tiranë, pasi ishte në kërkim ndërkombëtar nga Italia.
Policia thotë se 31-vjeçarit me inicialet E.P, i është dhënë masa “arrest me burg” nga Gjykata e Milanos, pasi akuzohet për trafik droge e grup kriminal.
“Ky shtetas ishte shpallur në kërkim ndërkombëtar nga autoritetet italiane, pasi Gjykata e Milanos ka lëshuar urdhrin e arrestit ndërkombëtar duke caktuar masën e sigurisë ‘Arrest në burg’, për veprat penale ‘Grup kriminal’ dhe ‘Trafikimi i lëndëve narkotike’, për të cilat maksimumi i dënimit është 30 vite”, thuhet në njoftimin e policisë.
Ai do të ekstradohet në Itali për të dalë përballë drejtësisë në shtetin fqinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
