Gazeta Si – Janë më shumë se 100.000 bileta të shitura për fundjavën e Çmimit të Madh të Imolës në Formula 1. Një interesim i jashtëzakonshëm nga fansat italianë, i nxitur pa dyshim nga rezultatet e mira të Ferrarit në tri garat e para të Botërorit 2022.
“Deri pak muaj më parë ky interesim ishte i paimagjinueshëm dhe pak besonin, ndërsa tani Imola, qyteti ynë, është bërë protagonist në panoramën ndërkombëtare”, – shkruan në një postim në rrjetet sociale kryebashkiaku i Imolës, Marko Panieri.
“Autodromi ynë Enzo e Dino Ferrari, pas 16 vitesh, do të përjetojë sërish emocione të mëdha që lidhen me kompeticionin më të rëndësishëm botëror të automobilizmit. Falënderoj të gjithë partnerët që kanë besuar në suksesin e këtij Çmimi të Madh”, – ka shtuar ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
