Partizani dhe Teuta nuk kanë arritur të kthehen në kreun e renditjes së Kategorisë Superiore pas supersfidës mes tyre në javën e 25-të, pasi janë ndarë në një barazim pa gola në ndeshjen e zhvilluar në “Elbasan Arena”.
Momenti më i diskutueshëm I kësaj përballjeje pretendentësh në “Elbasan Arena” u shënua në minutën e 74-t, kur Eneo Bitri e dërgoi me kokë topin në rrjetë, por sipas anësorit në pozicion jashtë lojë. Nga pamjet e përsëritura vihet re se mbrojtësi i Partizanit ishte thuajse në vijë me mbrojtësin kundërshtar në momentin e krosimit të topit.
Kështu, të dy ekipet kanë humbur mundësinë për të arritur Vllazninë në kreun e renditjes, duke mbetur 2 pikë pas saj, ndërsa ndajnë vendin e tretë mes tyre. Interesant fakti që Partizani-Teuta ka rezultuar një sfidë me shumë rivalitet në vitet e fundit, aq sa në shtatë takimet e fundit kanë shënuar gjashtë barazime dhe një sukses i durrsakëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
