Ka një ndryshim në listën e lojtarëve të grumbulluar nga trajneri Edi Reja për dy ndeshjet me Anglinë dhe Andorrën. Kuqezinjve do t’u bashkohet edhe sulmuesi Ernest Muçi, i cili ishte në listën e Kombëtares U-21 fillimisht.
Nga nesër lojtari i Legias së Varshavës do të jetë nën urdhrat e trajnerit Reja. Italiani këtë herë la jashtë Rei Manajn dhe grumbulloi 4 sulmues për dy ndeshjet e radhës, Cikalleshin, Balajn, Uzunin dhe Brojën, por tashmë ka vendosur të ketë në dispozicion edhe Muçin.
Trajneri i Kombëtares U-21, Alban Bushi, e ka zëvendësuar Muçin me Eridon Qardakun, futbollistin e Bylisit që ka qenë edhe më parë pjesë e Shpresave.
Kuqezinjtë kanë nisur që sot grumbullimin në Durrës, ndërsa nesër trajneri Reja do të dalë në konferencë shtypi, ku do të flasë për listën dhe dy ndeshjet e fundit eliminatore të Botërorit të Katarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
