.png)
Gazeta Si – Një 17-vjeçar u arrestua në Shkodër si i shpallur në kërkim, pasi dyshohet se ka bashkëpunuar me Ragip Gilën në atentatin e 8 shtatorit në qendër të qytetit, ku humbën jetën 2 persona dhe u plagosën dy të tjerë.
Forcat “Shqiponja” e ndaluan të miturin me iniciale D.N., gjatë një kontrolli rutinë, ku iu gjetën disa doza kokaine.
Pas verifikimeve në komisariat, rezultoi se ai kërkohej gjithashtu edhe për vjedhjen e një motori në muajin gusht.
Ragip Gila, 29-vjeç, mbërriti në vendin e ngjarjes me një motor në bar-kafen pranë Bashkisë së Shkodrës në 8 shtator,, ku qëndronin Armando Pali, Liridon Kraja, që mbetën viktima, si dhe Erogen Vaso, që u plagos. Breshërisë së plumbave nuk i shpëtoi as kamarierja e lokalit, 25-vjeçe.
Si pasojë e të shtënave, Armando Pali, ish-anëtar i Këshillit Bashkiak të Shkodrës, gjeti vdekjen e menjëhershme, ndërsa 31-vjeçari Liridon Kraja ndërroi jetë në spital.
Pak pas atentatit, Gila u arrestua në tentativë për t’u arratisur. Autori u përplas me dy automjete, duke e detyruar atë të braktisë makinën që drejtonte.
Ai është larguar më pas në këmbë, por pas disa minutash ndjekjeje, është arrestuar nga forcat e rendit pranë lumit Kir, ku dyshohet se është rrëzuar.
Policia ka sekuestruar edhe dy armët e zjarrit: një automatik që përdori në krim dhe pistoletën me të cilën grabiti makinën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
