Gazeta Si – Luhen sot ndeshjet e fundit në katër grupe të Ligës së Kampionëve. Spikat mbrëmjen e sotme sfida Bajern Mynih-Inter, që në fakt luhet për prestigj, sepse llogaritë e kualifikimit janë mbyllur tashmë, me gjermanët të parët dhe italianët të dytët.
Është mbrëmja e Kristjan Asllanit, i cili do të jetë titullar me Interin. E ka pohuar edhe trajneri Inzagi në konferencë shtypi. Mesfushori kuqezi do të zbresë në fushë nga minuta e parë, në krah të Barelës dhe Mkhitarian. Është një mundësi e mirë që Asllani të tregojë vlerat, sepse vitrinë më të mirë se ndaj Bajernit nuk mund të gjejë.
Një tjetër ndeshje interesante pritet të jetë ajo mes Liverpulit dhe Napolit. Dy skuadrat luajnë për vendin e parë, por anglezëve u duhet të fitojnë me shumë gola për të parakaluarën skuadrën e Spaletit.
Krejtësisht i hapur është Grupi D, ku të katërta skuadrat kanë mundësi kualifikimi, sepse i ndajnë vetëm dy pikë.
Champions, ndeshjet e fundit në grup
Sot, ora 18:45
Bajer Leverkusen-Bryzh
Porto-Atletiko Madrid
Ora 21:00
Bajern Mynih-Inter
Liverpul-Napoli
O.Marsejë-Totenhem
Plzen-Barcelona
Rejnxhërs-Ajaks
Sporting-Eintraht Frankfurt
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
