.png)
Nga Gazeta ‘SI’ – Shoqata e Ndërtuesve i ka kërkuar qeverisë implementimin e një regjimi fiskal progresiv mbi ndërtesat.
Në një letër për ministrinë e Financave, Shoqata propozon përjashtim nga taksat të banesës së parë, ose një taksim simboli, 0.01% e vlerës së taksueshme.
Banesat e dyta të taksohen me 50% të shkallës standarde, ndërsa banesat e treta e më shumë deri në 150% të shkallës standarde.
Sipërfaqja minimale në rastet kur është e prezumuar të jetë 50 m² për banesë; 15 m² për garazh; 100 m² për njësi ekonomike.
Sipas Shoqatës së Ndërtuesve, kjo qasje rrit drejtësinë fiskale dhe reflekton kapacitetin real pagues të qytetarëve.
Ata propozojnë pezullim të taksës për njësitë e pashitura në një ndërtesë, pasi taksimi do të ngarkonte zhvilluesit për një pasuri që nuk gjeneron të ardhura.
Ndërtuesit kanë kundërshti edhe për çmimet e referencës dhe kërkojnë që ligji të parashikojë rastin kur pronari të kërkojë vlerësim nga një ekspert i licencuar, kur provon që çmimi referues i zonës nuk pasqyron vlerën reale tregtare të ndërtesës. Ndërsa bashkia të ketë të drejtë të përdorë koeficiente korrigjues sipas: vitit të ndërtimit; cilësisë së ndërtimit; destinacionit; gjendjes faktike; nivelit të amortizimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
