Gazeta Si – Dy inxhinierë janë arrestuar dhe dy persona të tjerë janë shpallur në kërkim në Delvinë, pasi po ndërtonin pa leje një impiant gazi (TEC) në një pronë publike. Të dyshuait u zbuluan pas një kontrolli të Policisë së Vlorës në bashkëpunim me IKMT dhe Inspektoratin e Mjedisit.
Policia njofton se në pranga ranë përgjegjësi i impiantit të gazit dhe përgjegjësi i kantierit të ndërtimit: Elton Malkaj, 31 vjeç, me detyrë përgjegjës i impiantit të gazit dhe Luan Metaj, 53 vjeç, me detyrë përgjegjës i kantierit ndërtimor, të dy të dyshuar për veprat penale “Ndërtimi i paligjshëm” me qëllim përfitimi dhe “Pushtimi i tokës”.
Ndërsa në kërkim janë shpallur pronari i kompanisë dhe administratori. Të gjithë akuzohen për “Ndërtim të paligjshëm” dhe “Pushtim të tokës”.
Gjithashtu, u shpallën në kërkim: Sokol Meqemeja, 56 vjeç, pronar i kompanisë dhe Jurgen Ibrahimi, 36 vjeç, administrator i kompanisë, të dy të dyshuar gjithashtu për veprat penale “Ndërtimi i paligjshëm” me qëllim përfitimi dhe “Pushtimi i tokës”.
Gjatë kontrollit u konstatua se kjo kompani po ndërtonte pa leje ndërtimi dhe zhvillimi nga organet kompetente, një impiant gazi, në tokë publike.
“Në përfundim të veprimeve të para procedurale, specialistët për Hetimin e Krimeve arrestuan në flagrancë shtetasit: E. M., 31 vjeç, me detyrë përgjegjës i impiantit të gazit, dhe L. M., 53 vjeç, me detyrë përgjegjës i kantierit të ndërtimit, të dy të dyshuar për veprat penale “Ndërtimi i paligjshëm”, me qëllim përfitimi, dhe “Pushtimi i tokës”. Gjithashtu, u shpallën në kërkim shtetasit: S. M., 56 vjeç, pronari i kompanisë, dhe J. I., 36 vjeç, administratori i kompanisë, të dy gjithashtu të dyshuar për veprat penale “Ndërtimi i paligjshëm”, me qëllim përfitimi, dhe “Pushtimi i tokës””, njofton policia.
Punimet janë bllokuar nga IKMT, ndërsa materialet iu referuan Prokurorisë së Sarandës për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
