.png)
Gazeta Si - Një 70-vjeçar dyshohet se ka ndërruar jetë në Pogradec si pasojë e temperaturave të ulëta. Policia thotë se viktima është L. P., i cili u gjet i pajetë në afërsi të tregut. Në trupin e tij nuk kishte shenja dhune.
“Më datë 04.02.2023, rreth orës 06:30, në lagjen nr. 4, Pogradec, në afërsi të tregut, është gjetur i pajetë shtetasi L. P., rreth 70 vjeç, banues në Korçë. Nga këqyrja paraprake e trupit nuk janë konstatuar shenja dhune dhe dyshohet se ky shtetas mund të ketë ndërruar jetë nga shkaqe natyrale”, njoftoi policia.
Pavarësisht dyshimeve se vdekja ka ardhur si shkak i temperaturave të ftohta, pritet ekspertiza mjeko ligjore për ta përcaktuar shkakun e saktë. Mësohet se viktima kishte vite që banonte në Pogradec, por ishte me origjinë nga Korça.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
